Masala #1087

Garri Potter turkumidagi asarlarni o'qigan yoki filmini tomosha qilmagan odam bo'lmasa kerak. Agar bular sizga tanish bo'lsa, filmdagi mashhur ″Kafanduzd xaritasi″ va ″Darkor xona″ haqida ham bilsangiz kerak. Asarning 5-qismida (Garri Potter va Qaqnus ordeni yoki Feniks jamiyati) Yovuz Lord Voldemortning qaytganiga vazirlik ishonmadi va vazirlik bu kabi gaplarni bosh vazirni hokimyatdan ag'darish sifatida tushundi. Sehrgarlar va afsungarlar maktabi Hogvartsda ham Vazir yordamchisi Dalores Kembrij bir qator qat'iy qarorlarni chiqardi.
Ammo Garri xavf yaqin ekanini yaxshi bilar edi. Shuning uchun u bir nechta (aniqrog'i o'zi bilan 29 ta) unga ishongan o'quvchilarni yig'ib yovuz kuchlardan himoyalanishni o'rgatmoqchi bo'ldi.  Lekin ular yashirincha mashq qilishlari uchun bir xona kerak edi. Va nihoyat u xona topildi. Bu xonaning nomini ″Darkor xona″ deyishadi. ″Darkor xona″ kishining ehtiyojiga qarab yetarlicha qulay va ishonchli edi. Ushbu xona juda sirli bo'lib joyini doimiy o'zgartirib turar edi. Garri har safar ″Kafanduzd″ xaritasiga qarab ular to'planadigan joydan ″Darkor xona″ga qo'lga tushmay yetib borishning iloji bormi yo'qmi ko'rib chiqadi. Agar iloji bo'lmasa bugungi darsni bekor qilishiga to'g'ri keladi.
″Kafanduzd″ xaritasi - Hogvars maktabining to'liq xaritasi bo'ib, unda hattoki ayni vaqtda harakatlanayotgan odamlar ham ko'rinadi.
Hogvars qasri xaritada \(N\)x\(N\) matritsa ko'rinishiga ega (deb qaraymiz).
Xavfsiz yo'llar \(0\) bilan, to'siq yoki xavfli yo'llar \(1\) bilan belgilangan.
Garri bugun dars o'ta oladimi yoki yo'qmi aniqlang

Birinchi satrda \(N(3 \le N \le 500)\) kiritladi.
Ikkinchi satrda O'quvchilar to'planadigan joy koordinatasi\(x_1,y_1(1\le x_1,y_1 \le N)\) kiritiladi.
Uchinchi satrda esa ″Darkor xona″ joylashgan koordinata \(x_2,y_2(1 \le x_2,y_2 \le N)\) kiritladi.
Keyingi satrlarda   \(N\)x\(N\) o'lchamli \(0\) va \(1\) lardan iborat  matritsa kiritiladi.

Agar ″Darkor xona″gacha xavfsiz yo'l mavjud bo'lsa Yes, aks holda No deb chiqaring.