Masala #0155

Laziz o’yinchoq o’ynashni judayam yaxshi ko’radi, uning baxtiga akasi Adiz o’yinchoq fabrikasida ishlaydi va har doim Lazizni o’yinchoqlar bilan ta’minlab turadi. Laziz o’yinchoqlardan tashqari matematikani ham judayam sevadi, Adiz uni yanada qiziqtirish maqsadida har bir o’yinchoq berishdan oldin Lazizga savol beradi va to’g’ri javobni olgach yangi o’yinchoqni beradi. Galdagi savolni Adiz Lazizga keltirgan kubiklardan tuzdi. Adiz 1×1 o’lchamli kubiklarni N×M doskaga ustma-ust qo’yib joylashtirib chiqdi, doskaning (i,j) kordinatasi ustiga jami A_i,j ta kubik ustma-ust qo’yilgan. Lazizga doska ustida hosil bo’lgan shaklning tashqi yuzasini topish vazifasi topshirildi. Laziz imkon qadar o’yinchoqni tezroq olish uchun bu murakkab savolni javobini topishda sizdan yordam so’rayapti, unga yordam bering.

INPUT.TXT kirish faylining dastlabki satrida ikkita butun son, N va M(1 ≤ N, M ≤ 100), keyingi N ta qatorda M tadan butun son, A(1 ≤ A_i,j ≤ 100) to’plam elementlari kiritiladi.

OUTPUT.TXT chiqish faylida yagona butun son, Laziz o’yinchoqni olishi uchun Adizning savoliga berishi kerak bo’lgan javobni chop eting.